Ламбите се дел од амбиенталното осветлување во просторот. Во ретки ситуации тие може да бидат и главен извор на светлина, особено во спалната соба.
Најчесто се поставуваат столни ламби како дополнително осветлување на просторот и декоративен елемент.
Подната ламба, пак, има зголемени осветлувачки капацитети и таа може да служи како главен извор на светлина во просторот.
Столна ламба
Столна ламба, како што самото име укажува, се поставува на повисока површина, како што е работната маса или мини орманче покрај креветот од спалната соба.
Столната ламба ви дава минимално и насочено светло на мала површина, доволно за читање на книга, пишување или снаоѓање во просторот.
Таа се поставува и како декоративен елемент и освен за примарната намена, има функција да го разубави просторот.
Столните ламби обично се произведуваат во мали димензии и се составени од абожур, постоље и сијалица (разична моќност).
Подна ламба
Подната ламба се сместува на подот и таа има постоље кое е високо од 2 до 3 метри. Подните ламби осветлуваат поголема површина и може да се користат како главен извор на светлина, особено во соби во кои нема потреба од голема осветленост.
Подните ламби особено се сместуваат во спалната соба, а во зависност од потребата од светлина се поставува најмалку една, но може да бидат поставени и неколку подни ламби во различни агли или во близина на креветот за спиење.
Тие може да се дел и од просторот за дневен престој, но тогаш обично се комбинираат со уште неколку главни извори на светлина и се користат како амбиентално светло.
